Sonntag, 6.7.2025

Wieder viu z’früeh si mir hüt vom musikalische Gsang vo de Klarinette usem Schlaf zoge worde. Z’Chuchiteam het üs es feins Zmorge-Buffet mit riesiger Uswahl vorbereitet. Somit hei mir när aui gstercht i Tag chönne starte. Z’erst hei mir e Registerprobe gha. Mir Schlagzüger si auso aui zämä ga luege, wär wo no Hiuf brucht und wie t’Ufteilig am meiste Sinn macht. Dört hei mir üsi Stück ahgluegt und bi Schwirigkeite Hiuf vo üsem Registerleiter ghout. Nächer hei mir oh no gad individuelli Üebezit becho, um d Stück no chlei kenne z’lehrne. Nachere churze Gsammtprob si mir denn o scho mit emne feine z‘Mittag verwöhnt worde. Es het Härtöpfustock mit Rüebli, Salat und Gschnetzletem gee. Isch wie immer mega fein gsi. I de Pouse hei mir chlei Chartespieli gspiut, zämä gredt und no chlei Fuessbau gspiut. Am Namittag hei mir de nomau Zit becho seuber d’Stück z’lerne und denn mit Unterstüzig vom de Registerleiter witer z’schaffe. Hüt hei si ou no Instrumentezuebehör müsse organisiere. Nächer isch es scho gli Zit gsi fürs z’Nacht. Wie immer het üs z’Chuchiteam mit feinem Esse überzügt. Dasmau hets Risotto gäh, mit verschidnigste Salät. U nachere letzte Prob hei mir denn o uno ä churze Lottoabe gha und Zit mitenander verbracht. Anderi si aber ou scho ga Schlafe. Es isch e chil e ahstrengendere Tag gsi, aber mir hei aui viu Fortschritte gmacht. Ade Merci.