Mit de bezouberntä schönä Kläng vo de Registerleiter, simer hüt gweckt worde.
Nachem feinä zmorgä vo üsem tolle Chuchiteam, het d A-Band mit Gesamtprobe gstartet u d B-Band mit Registerprob. D A-Band het wie immer d Gsamprob dusse gha, trotz däm sehr chaute Wätter, während d B-Band dinne Registerprob het gha. Zum Zmittag hets mega feini Hamburger ghä, womer säuber beliebig mit Speck, Zwiebeln, Salat, Tomaten u Käse het chönä belegä. Nachem Mittag isches witter gangä mit Probä; Für d A-Band mit Registerprobe u für d B-Band mit Gesamtprobe. Anschliessend hei mir no Fötäli gmacht. Äs het chli duret bis aui parat si gsi u zur Kamara gluegt hei. Nachem Gsamtfötäli het mä no Registerfötäli gmacht, da si aui Register chli kreativ gsi. Nachem Fototermin hei mir witer mit Musik gmacht. Zum Znacht hets Pizza gä.
Äs Highlight isch natürlich s Registerkonzert gsi. Üsi Registerleiter hei aues gä, ou mir hei tatkräfit mitklatschet. Üsi Dirigenten, dr Kurt u dr Jonas, hei uf dr Perkussion müässä/dörfä mitspilä. Nachem chlinä Konzertli hei mir dr Abä mit Volleyball spilä u gmüätlichem zämä si gnossä.
Dienstag, 08.07.2025
