Mit de Kläng vo "Hey Jude" vo de Beatles si mir hüt vom tiefe Blech gweckt wordä. Nach äm nä feinä ds‘Morge het dr Tag musikalisch chöne affa. Hüt hei mir die letschti Registerprob u individuelli Prob abgschlosse. Leider hei mir üs hüt vo de Registerleiter müässä verabschidä. Zum Glück hets aber am Mittag ä cheibe guete Teigwareuflouf gä. Nacherä churze Mittagspousä u mit de Sunnästrahlä, hei mir üs ufä Wäg gmacht zumänä Spielplatz. Lut de Leiter isch dr Wäg nur 2km gsi, tatzächlich isch dr Wäg aber 4km gsi. Si hei üs auso ahglogge. Ufem Spielplatz hei mir aber ä gueti Zit verbracht, idäm dass mir Volleyball u Fussball gspielt hei und umätobet si. Nachdem mir vo üsem Usflug wider bim Hus acho si, hei mir ä kurzi Pousä gmacht. Zum z'Nacht hets Riz Casimir gä, wo wie immer cheibe guet isch gsi. - Danke Chuchiteam!!!
Aschliessend hei mir dr Abä mit ärä Gsamtprob gstartet, wo mir üsi Intonation und Stimmig verbessert hei. Vor luter Pousä hei äs paar ihres Mundstück vergässä u angeri sogar ihres ganzä Instrument. Isch uf jedä Fall mega lustig gsi. 🙂
Nach dr Prob hei mir dr Abä wie immer mit Volleyball spilä und gmüätlichem zämä si abgschlossä.
Gschribä vom Sax-Register (Yann, Yara u Luana)
Mittwoch, 09.07.2025
